Ferizaj-Prishtinë, përplasen 15 automjete – 12 të plagosur

Mëngjesin i sotëm me shi ka shkaktuar probleme edhe në Kosovë. Në aksin rrugor Ferizaj-Prishtinë, kanë ndodhur pesë aksidente ku janë përfshirë 15 automjete ndërsa kanë mbetur të plagosur 12 persona

Mësohet se shiu i dendur ishte shkaktar i përplasjes së 15 makinave në 5 aksidente ndërsa Zëdhënësja e Policisë së Kosovës për Rajonin e Prishtinës, Flora Ahmeti, tha për Agjencinë e lajmeve KosovaPress se gjithçka ka ndodhur rreth orës 09:40 në aksin rrugor Ferizaj-Prishtinë.

“Rreth orës 09:40 në rrugën Ferizaj – Prishtinë, kanë ndodhur pesë aksidente trafiku me lëndime trupore. Në këto aksidente kanë qenë të përfshira 15 automjete. Bazuar në të dhënat fillestare ndihmë mjekësore deri tani kanë kërkuar 12 persona. Me rastet po merren zyrtarët e njësitit të trafikut,” tha Ahmeti.