Festa me shqiponjë, ky është vendimi i FIFA-s për Shaqirin dhe Xhakën

“Xhaka, Shaqiri dhe Lichtsteiner janë të lejuar të luajnë kundër Kosta Rikës!”, shkruan media zviceranë Blick.ch.

“FIFA ka mëshirë me ekipin kombëtar zviceran. Xherdan Shaqiri, Granit Xhaka dhe Stephan Lichtsteiner nuk janë dënuar për kremtimin e kalibrit të tyre të dyfishtë”, shkruan më tej Blick.

Tre yjet e Zvicrës megjithatë janë dënuar me 10,000 franga (Xhaka, Shaqiri) dhe 5,000 franga zvicerane (Lichtsteiner).

Kujtojmë se Federata Serbe kishte kërkuar që FIFA të reagonte ndaj këtij gjesti. FIFA e mori parasysh një kërkesë të tillë dhe nisi hetimin. Nëse do të dënoheshin, dy futbollistët shqiptarë të Zvicrës dhe kapiteni i saj do të mungonin në dy ndeshjet e ardhshme të Botërorit.

Zvicra, që ka 4 pikë pas barazimit me Brazilin dhe fitores me Serbinë, do të luajë ndeshjen e fundit të grupit me Kosta Rikën.