Fillimisht e fiku internetin, tani premton Wikipedia ruse

Presidenti i Rusisë, Vladimir Putin ka bërë thirrje për krijimin e një versioni rus të enciklopedisë në internet Wikipedia edhe pse e ka fik internetin.

Duke folur në një mbledhje në Kremlin për të ardhmen e gjuhës ruse, për të cilën tha se rusofobët dëshirojnë ta spostojnë në periferi, ai për Wikipedian u shpreh:

“Sa i përket kësaj çështje, më mirë është ta zëvendësojmë me një enciklopedi të madhe ruse në formë elektronike. Të paktën në këtë mënyrë do të kemi informacione të besueshme, të prezantuara mirë dhe në mënyrë moderne,” tha Vladimir Putin disa ditë pasi në Rusi ka hyrë në fuqi ligji kontrovers për krijimin e infrastrukturës për internet “sovran”, të cilin Moska e prezantoi si ligj të domosdoshëm për mbrojtjen e sulmeve të jashtme nga hakerët. Me këtë ligj, autoritetet ruse kanë garantuar mundësitë ligjore të fikjes së internetit në Rusi.

Ndryshe, enciklopedia ruse është publikuar në letër nga viti 2007 deri në vitin 2014. Qeveria ruse, sipas dokumenteve që janë publikuar në muajin shtator, planifikon të ndajë rreth 24 milionë euro për zhvillimin e burimeve për referencë, siç është, Wikipedia.