Fillojnë punimet Vorë-Ura e Dajlanit, ARRSH: Bllokohet qarkullimi drejt Durrësit! Rrugët alternative…
Autoriteti Rrugor Shqiptar, ARRSH, ka bërë të ditur se ka nisur zbatimi i projektit “Emergjencë për riparimin e nënshtresave dhe shtresave asfaltike në segmentin rrugor Vorë-Ura e Dajlanit”, dhe duke filluar nga data 13 Tetor do të ketë bllokim të qarkullimit në drejtimin Vorë-Durrës, përkatësisht segmentet:
– Vorë-Maminas,
– Maminas-Sukth,
– Sukth-Fllakë,
– Fllakë-Mbikalimi i Shkozetit,
– Mbikalimi i Shkozetit-Ura e Dajlanit.
Duke saktësuar se kohëzgjatja e punimeve është parashikuar 1–2 ditë për çdo segment, ARRSH sugjeron të gjithë përdoruesit e kësaj rruge të përdorin rrugën alternative: Vorë-Maminas-Katër Rrugët e Shijakut-Durrës.
Me përfundimin e punimeve në krahun Vorë-Durrës, do të vijojë puna edhe në krahun tjetër Ura e Dajlanit-Vorë, sipas të njëjtave segmente dhe kohëzgjatje.
