Fillon vaksinimi në BE, Von der Leyen: Moment prekës i unitetit!

Fillimin e vaksinimit në Bashkimin Europian, BE, Presidentja e Komisionit Europian, KE, Ursula von der Leyen, sot e vlerësoi si një moment prekës të unitetit.

“Vaksina i është dhënë të gjitha shteteve anëtare të BE në të njejtën kohë. Njerëzit do të vaksinohen në Athinë, Romë, Helsinki, Sofje, gjithandej,” tha Von der Leyen në mesazhin e saj të publikuar sot përmes rrjeteve sociale. 

“Vaksinimi do të na ndihmoj të kthejmë jetën tonë normale, shkallë-shkallë,” shto ajo duke i bërë thirrje 450 milionë banorëve të BE, që të vazhdojnë të jenë të kujdesshëm në mënyrë që të parandalojnë përhapjen e koronavirusit, raporton Agjencia e lajmeve DPA. 

Nesër vaksinimi…

Sasia e njejtë e vaksinës BioNTech dhe Pfizer ka filluar të arrijë gjatë fundjavës në të gjitha 27 anëtaret e BE.

Presidentja e KE tha se autoriteti rregullator europian do të miratoj edhe vaksinat tjera dhe se në muajt e ardhshëm do të kemi vaksina të mjaftueshme në mënyrë që të gjithë të vaksinohen.  

Hungaria ka vendosur që vaksinimin me Pfizer-BioNTech ta filloj që sot.

“Kemi filluar të vaksinojmë punëtorët shëndetësor sipas një plani të përcaktuar më parë,” tha zëdhënësja e qeverisë për Agjencinë e lajmeve Reuters. Vaksinat e para janë dhënë në spitalin qendror për COVID-19 në Budapest.

Ndërsa Holanda ka bërë të ditur se vaksinimi në këtë vend do të filloj në 8 Janar.