“Financim i paligjshëm i Partisë së Lirisë”, SPAK nis hetimet për Ilir Metën

Pas një kallëzimi të bërë nga ish-deputeti, Halit Valteri, për financim të paligjshëm të Partisë së Lirisë, Prokuroria e Posaçme kundër Korrupsionit dhe Krimit të Organizuar, SPAK ka nisur zyrtarisht hetimet për ish-presidentin Ilir Meta, duke iu drejtuar fillimisht KQZ-së dhe Gjendjes Civile.

“Mbi bazën e këtij kallëzimi SPAK kërkon të dhëna për pasurinë nga formulari i vetëdeklarimit, parë dhe në një kontekst të ri, ku pas lënies së detyrës si President i Republikës Autoriteti i Dosjeve nxori të dhëna që i referoheshin si ish-bashkëpunëtor i sigurimit të shtetit,” raporton BW duke shtuar:

“U kërkua formulari i dekriminalizimit nëse është plotësuar sipas ligjit. Nëse do të rezultojnë të dhëna të paligjshme, SPAK do të evoluojë me hetimin e kësaj çështje. Kallëzimi është bërë nga z. Halit Valteri. Prokuroria e Posaçme i referohet ligjit 138 të vitit të 2015. Meta e ka kundërshtuar faktin e bërë publik nga Autoriteti i Dosjeve për ish-bashkëpunëtorët e sigurimit. Në thelb z.Valteri fliste për transaksione të paligjshme. Ka dhe dy emra të tjera që lidhen me këtë kallëzim.”

Ndërkohë SPAK ka kërkuar informacion edhe Gjendjes Civile mbi gjeneralitetet duke përfshirë edhe ndryshimet, për nevoja të hetimit të këtij procedimi penal.

“Nisur nga interesimi i shumë gazetarëve pranë SPAK, lidhur me një kërkesë që SPAK i ka drejtuar KQZ, sqarojmë se ajo kërkesë është pjesë e hetimeve që po kryen Prokuroria e Posaçme në kuadër të procedimit penal regjistruar mbi bazën e kallëzimit të shtetasit Halit Valteri. Nuk kemi ndonjë informacion tjetër për të dhënë. Hetimet vazhdojnë,” sqaron SPAK rrethanat e nisjes së hetimit për Ilir Metën.

Ndërsa vetë Ilir Meta duke reaguar këtë shkresë e cilësoi si një kërkesë tjetër serioze për karagjozët më të mëdhenj të Ramaformës.

“Shtatori po vjen dhe Drejtësia e Popullit nuk do ndalet më dhe Ramoviçin asgjë nuk e shpëton dot më!” tha Ilir Meta si zakonisht duke u mbrojtur me sulme ndaj atyre që e akuzojnë!

Ndryshe, më 07.06.2022, ish-deputeti Halit Valteri depotizoi një kallëzim në drejtim të Ilir Metës dhe drejtuesve të LSI-së duke ngritur dyshime të forta për financim të paligjshëm të Partisë së Lirisë.

Tiranë, më 07.06.2022
KALLËZIM PENAL
KALLËZUES: Halit Xhezar Valteri, lindur më datë 21.05.1991 në Fier dhe banues në Tiranë .

KUNDËR:

1. Z. Ilir Meta -President i Republikës së Shqipërisë,

2. Znj.Monika Kryemadhi – Deputete e Kuvendit të Shqipërisë

3. Z.Vangjel Tavo – Ish Deputet i Kuvendit të Shqipërisë,

4. Z.Iraklis T. Fidetzis – Administrator ikompanisëDorelita Limited me selinë Qipro.

BAZA LIGJORE:Kodi i Procedurës Penale të RSH: Nenet 25, 75/a, 149, 150, 151, 152, 153 deri

165, 228, 229, 244, 277, 279/a, 280, 281, 283, 287, 304, 331, 390.

Kodi Penal i RSH : Nenet 25, 164/a, 164/b, 180, 181, 248,257/a, 259, 287.

DREJTUAR: Strukturës së Posaçme kundër Korrupsionit dhe Krimit të Organizuar.