“Financimi i Bashës nga Rusia”, takimi me Kim: Celibashi: Shqetësime për financimet ruse!

Pas publikimit lajmit nga Zëri i Amerikës bazuar në raportin e shërbimeve inteligjente të SHBA, për infiltrimin rus në politikën e disa vendeve, dhe financimin e politikanëve në këto vende, ku përfshihet dhe financimi me 500 mijë dollarë të Ish-Kryetarit të Partisë Demokratike, Lulzim Basha, në zgjedhjet e vitit 2017, sot në KQZ ka zhvilluar takim Ambasadorja e SHBA në Tiranë, Yuri Kim, me kreun e këtij institucioni, Ilirjan Celibashi dhe në prani të përfaqësuesve të partive politike ku u transmetua shqetësimi amerikan lidhur me financimet e huaja të politikës shqiptare në mënyrë specifike të politikës ruse

“Nga ambasadorja Kim u përcoll shqetësimi i SHBA i partnerit dhe aleatit të SHBA, në lidhje me financimet e huaja të politikës shqiptare në mënyrë specifike të politikës ruse. Nga informacionet e fundit që zotërojnë përcolli këtë shqetësim tek aktorët politikë shqiptarë me qëllim që të rrisin vëmendjen dhe çfarë është në fuqinë e tyre për të bërë më mirë me qëllim që financimet e huaja të mos kenë ndikim në politikën shqiptare,” tha Ilirja Celibashi duke përfunduar:

“Mund të them që ka nevojë për përmirësim të kuadrit ligjor, të jepet mundës praktike për të hetuar për sasinë e parave që marrin partitë politike dhe nga i marrin.Natyra e diskutimit ishte informuese dhe e përcjelljes së një shqetësimi, nuk u bënë diskutime si të rrisim vëmendje.”

Ndërsa përfaqësuesja e PD në takim, Jorida Tabaku, pas takimit u shpreh:

“Moment i rëndësishëm për  bërë transparencë. Për çdo gjë që u diskutua besoj do të  nxjerrë një deklaratë ambasada,” tha Jorida Tabaku ndërkohë e pyetur nëse ishte diskutuar për financimet e Lulzim Bashës, ajo heshti dhe i bëri sërish avokati djallit të PD, duke e hedhur topin në oborrin e Ambasadës së SHBA:

“Unë besoj se do ketë deklaratë nga Ambasada për t’ju informuar.”

Por nga ky takim doli dhe një përfaqësuesi politik që ishte më konkret. Ishte ky Sekretari i Përgjithshëm i PS, Damian Gjiknuri i cile e tha hapur se fokusi i diskutimit ishte mbi raportin e bërë dje publik financimin e partive politike apo organizatave të ndryshme nga Rusia.

“Jemi të angazhuar ndaj çdo lloj akti që tashmë disa prej tyre janë bërë publike, siç është ai i Komunitetit të Inteligjencës. Duhet të marrim shembull se si ne partitë politike të mos përfshihemi në këto financime. Këto janë gjera teknike që do i bëjmë në vijim. Do të forcohen dispozitat për fushatën zgjedhore. Fokusi ishte shqetësimi që kanë aleati jonë, SHBA për përfshirjen e influencave të huaja, kryesisht ruse, në partitë politike, por dhe organizmave mediatike,” tha Damian Gjiknuri duke përfunduar:

“Nuk ishte biseda teknike, apo masat që do merren. U transmetua shqetësimi që u nis nga raporti i fundit. Këto shqetësime janë reale që këto gjëra mos të përsëriten në të ardhmen.”