“Financimin e PD nga rusët s’e shpikëm ne!” Pse arsyetohet Edi Rama?!

Kryeministri Edi Rama, pas takimit me fermerët në Fier, sot u është ndal në Darëzezë dhe pasi folur për krizën energjetike dhe zhvillimin e turizmit, dhe mori në gojë gjithë kundërshtarët, u ndal te paratë ruse të Lulzim Bashës duke u arsyetuar se nuk ishte PS ajo që dekonspiroi këto financa të dyshimta.

“Ju siguroj që ne do vazhdojmë ta mbrojmë energjinë elektrike. Dimri po hyn dhe nga një anë fatmirësisht jo dhe aq shpejt, por fatkeqësisht kaq shumë diell kur ne presim shi, nuk na ndihmon. Pasi shiu për ne është ushqim. Fashën 800 kë e kemi vendosur si masë, por edhe për të bërë që një pjesë me të ardhura e shtëpi të mëdha të paguajnë me çmimin real. Po të shihni tek faturat e energjisë keni një shirit që ju tregon sa është çmimi real ndërsa ju paguani atë që është para se të godiste kriza. Patëm një shteg të vogël për ta shmangur dhe nuk e vendosëm fashën. Na duhen reshje. Jemi në gjurmim për të shmangur përsëri, por mbase do të na duhet ta vëmë fashën,” tha Edi Rama duke u asryetuar për një çështje që nuk e akuzoi njeri, parave ruse të Ish-Kryetarit të PD, Lulzim Basha, përveç lidhjes e cila u zbulua nga shërbimet sekrete amerikane që ka me Agron Nezën!

“Gjithë bota po flet për kursim, por vetëm disa nga ata të çorbës së rublave ju thonë njerëzve që lufta nuk ka lidhje por është punë inceneratorësh. Pra një çmenduri ku përzihen në një çorbë ku pas shpinës së tyre që shfaqen në ekrane ka dorën që ka vënë bastin e madh të gjunjëzojë perëndimin që është dora e Kremlinit,” tha qelibari i kombit shqiptar, i paarritshmi i Elisës me kompani, shoku Edi Rama!