Firmosja e mandatimit, Thaçi: Kam menduar se Albin Kurti do ta pranoj

Presidenti i Kosovës, Hashim Thaçi tha sot se kishte firmosur mandatimin e Albin Kurtit për kryeministër duke menduar se ai do ta pranoj. Sot, tha Thaçi, qytetarët e Kosovës dhe partnerët ndërkombëtarë janë duke pritur që të themelohen institucionet dhe kryetari i Lëvizjes Vetëvendosje duhet të pranojë ose refuzojë të themelojë Qeverinë e re bazuar në rezultatet e 6 tetorit.

Pas takimit me ish-ambasadorin e misionit të OSBE-së në Kosovë, William Walker, Hashim Thaçi tha se është në vullnetin e spektrit politik që ta përmbyll me sukses procesin e 6 tetorit.

Thaçi tha se i mbetet kryetarit të partisë  që doli e para në zgjedhjet e 6 tetorit që ta bëjë hapin, ndryshe duhet ta deklarojë refuzimin si mandatar për udhëheqjen e Qeverisë së Kosovës.

Për këtë ai u shpreh i bindur që do të respektojë Kushtetutën e Kosovës, dhe ligjet.