Fiton Serbia dhe krimi, dështon Kosova-Nuk anëtarësohet në INTERPOL
Sot nuk humbi Kosova por dështuan zyrtarët e institucioneve të Kosovës që për gjatë gjithë javës folën për anëtarësim të sigurtë në INTERPOL.
Qeveria e Kosovës, duke mbetur e vetmja Qeveri në glob, që nuk e rrespekton të qenurit e kësaj organizate politike, llomotitën gjatë gjithë javës për sigurinë dhe kontributin e shtetit kosovarë në luftën kundër krimit të organizuar dhe trafiqeve; Edhe pse që nga viti 1999 ishte po ky INTERPOL që nuk rrespektonte fletëarrestet e institucioneve legale të drejtësisë që ishin lëshuar ndaj zyrtarëve të Kosovës. Dhe jo vetëm kaq!
Derisa ministrat e Kosovës flisnin për anëtarësim të sigurtë, Presidenti i Serbisë, Aleksandar Vuçiç e bëri të qartë 24 orë para votimit se Kosova nuk do të anëtarësohet në INTERPOL, dhe nga të gjithë u quajtë propagandë serbe.
Kur Kosova dështoi në votimin e parë me vetëm 76 shtete që mbështetën këtë anëtarësim, 56 ishin kundër dhe 22 abstenuan, sërish ishte Serbia ajo që paralajmëroi se për derisa nuk u votua në raundin e parë, raundi i dytë do të jetë edhe më i “suksesshëm” për Serbinë, zyrtarët e Kosovës deklaruan se tani pritet që ky numër të rritet sepse shtetet që kishin abstenuar, ishin shtete që e kishin pranuar Kosovën si shtet. Sërish ndodhi ajo që tha Serbia, në raundin e dytë për anëtarësim të Kosovës votuan vetëm 68 shtete, 51 ishin kundër dhe 16 abstenuan.
Pra, Kosova dështoi përfundimisht edhe në këtë Asamble të Përgjithshme të INTERPOL-it që u zhvillua në Dubai, humbi, por ende nuk dihet se kush do ta marrë përgjegjësinë për këtë dështim dhe kush do të jap dorëheqje.
Po a ka fitues në këtë mes! Patjetër që ka. Serbia është fituesi i vetëm i kësaj beteje, Presidenti i së cilës edhe vetë mbrëmë e pranoi se shtetet më të fuqishme të botës janë me Kosovën por është dhe pjesa tjetër e botës tek e cila Serbia kishte shpresën.
Me këtë botë, me botën e krimit fitoi sot Serbia duke lënë jashtë këtij institucioni politik, Kosovën, i hapi rrugë vetes të vazhdoj me veprimtarinë kriminale në rajon të cilën e ka filluar që nga viti 1980.
Sot, nuk është momenti që qytetarët e Kosovës të dëshprohen, dhe nuk duhet të mendojnë fare më për këtë anëtarësim pavarësisht llomotitjeve të zyrtarëve kosovarë. Kosova në INTERPOL nuk është përfitim për këtë shtet 2 milionësh, por është përfitim ekskluziv i sigurisë rajonale dhe jo vetëm.
Nëse Asambleja e Përgjithshme e INTERPOL-it ka vendosur të bëjë politikë, këtë Kosova nuk e ndalon dot, ashtu siç nuk arriti të bëjë me Evropën në fillim të viteve ‘80.
Kur mbas 10 viteve, Evropa filloi të bëhet Serbi, e bombardoi, dhe nuk ka rrugë tjetër, kjo gjë do të ndodhë edhe me INTERPOL-in Kjo është dhe arsyeja që qytetarët e Kosovës kanë vetëm një rrugë, të rrespektojnë ligjin dhe drejtësinë, ndërkohë niveli i lartë i sigurisë nuk është anëtarësim në INTERPOL por mirëqenie.
Ndryshe, deri në “Rambujen e INTERPOL-it” për Kosovën, kosovarëve ju mbetet vetëm të urojnë Kiribatu dhe Vanuatu, shtete këto që u pranuan në INTERPOL.
