Fitore e vështirë e Brazilit përballë Kosta Rika

Brazili triumfoi me rezultat 2:0 ndaj Kosta Rikës, fal futbollistëve Philippe Coutinhos e Neymar që shënuan në minutën e 90+1 përkatësisht 90+7’.

Brazili shënoi fitoren e parë në grupin E në Kampionatin Botëror në futboll dhe tani ka bërë hapin e parë drejt kalimin në të tetën e finales.

Kosta Rika tregoi lojë të mirë sidomos portieri Keylor Navas ka qenë në formë të shkëlqyer dhe ka pasur disa intervenime të jashtëzakonshme, por e pafat të marrë një pikë.

Në minutën e 13-të, Borges në një pozitë shumë të mirë dhe me një goditje të fortë por për fat të Brazilit shkoi jashtë shtyllës pingule. Gjatë 45 minutave të para Brazili me gjithë dominimin nuk krijoi raste të mira. Në pjesën e dytë, Brazili u tregua me energjik.

Në minutën e 48-të, Neymar në zonën e pesëmetërshit nuk qe i vëmendshëm. Pas një minute (49’) Gabriel Jesus ka qenë i pafat. Në minutën e 50-të, Philippe Coutinho me zhdërvjelltësinë e tij, godet bukur por prapë me fat Kosta Rika.

Coutinho sërish në pozicion të mirë, por Navas edhe një herë dëshmoi cilësitë e tija pikërisht në minutën e 58-të. Momenti më interesant ka qenë në minutën e 78-të, kur gjyqtari holandez referon penallti sepse mendoj se Gonzalez kishte tërhequr për fanelle Neymarin.

Megjithatë gjyqtari pasi pa VAR-in anuloi penalltinë megjithëse kishte prekje të lehtë. Brazili gjeti rrugën e golit të fitores, në minutën e 90+1, ku Philippe Coutinho ashtu siç di ai nga afërsia me një goditje të fortë shkund portën e portierit Navas.

Në minutën e 90+6 Neymar nga pozita ideale shënon për fitoren 2:0. Një fitore e mundimshme por shumë e madhe për Brazilin, duke bërë hapin e madh drejt të tetës së finales, kurse për Kosta Rikën është humbja e dytë rresht.

Me 27 qershor Brazili takohet me Serbinë (20.00) dhe Kosta Rika me Zvicrën.

Brazili-Kosta Rika 2:0

Stadiumi St. Petersburg.

Gjyqtar: B. Kuipers (Holanda).

Shënues: Coutinho (90+1’), Neymar (90+6) .

Kartonat e verdhë: Neymar, Coutinho – Acosta.

Brazili: Alisson; Fagner, Thiago Silva, Miranda, Marcelo; Paulinho (Firmino 68’), Casemiro, Coutinho; Willian (Costa 46’), Gabriel Jesus (Fernandinho 90+3’) dhe Neymar.

Kosta Rika: Navas; Gamboa (Calvo 75’), Acosta, Gonzalez, Duarte, Oviedo; Ruiz, Borges, Guzman (Tejeda 84’), Venegas dhe Urena (Bolanos 54’).

90+1′ Coutinho shëno