Fitorja e HDZ në Kroaci, Basha: Mezi pres të punojmë në bashkëpunimin strategjik!
Kryetari i Partisë Demokratike, Lulzim Basha, duke uruar liderin e partisë kroate simotër, HDZ, Andrej Plenkoviç, për fitoren në zgjedhjet parlamentare thekson se mezi pret që të vazhdojnë të punojnë së bashku për të forcuar bashkëpunimin strategjik mes dy vendeve.
“Përgëzime kryeministrit Andrej Plenkoviç për fitoren madhështore në zgjedhjet parlamentare. Mezi pres që të vazhdojmë të punojmë sëbashku për të forcuar bashkëpunimin strategjik mes dy vendeve tona dhe partive tona simotra,” tha Lulzim Basha në urimin e tij përmes rrjetit social Twitter duke përfunduar:
“Faleminderit për mbështetjen që i jepni Shqipërisë për integrimin në Bashkimin Europian.”
Ndryshe, dje në zgjedhjet parlamentare, HDZ e Andrej Plenkoviç u rendit e para me 66 mandate ndërkohë sot me takimet që zhvilloi me pakicat, HNS dhe Reformistët, kryeministri aktual Plenkoviç siguroi dhe shumicën parlamentare për krijimin e qeverisë së re të Kroacisë.
