Fitorja e Kurz, Basha: Model për politikën shqiptare!

Kryetari i Partisë Demokratike, Lulzim Basha, pas fitores në zgjedhjet e parakohshme parlamentare në Austri, të ÖVP, ka uruar liderin e saj Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare.

“Mbrëmë i përcolla urimet më të përzemërta mikut tim Kancelarit Sebastian Kurz dhe simotrës tonë Partisë Popullore të Austrisë për fitoren e thellë të zgjedhjeve të parakohshme parlamentare në Austri.”

Vendimi i Kurz për ti kthyer mandatin qytetarëve, thekson Lulzim Basha përmes rrjetit social Facebook, edhe pse pa asnjë përgjegjësi por për shkak të akuzave ndaj partnerit të koalicionit qeverisës, është shembull i moralit qytetar dhe politik.

“Vendimi i liderit të ÖVP Sebastian Kurz ku ndonëse pa asnjë përgjegjësi personale apo politike, vendosi ti rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik,” tha Kryetari i Partisë Demokratike, Lulzim Basha, duke përfunduar:

“Me votimin e djeshëm qytetarët austriakë dhanë një mbështetje të jashtzakonshme për këtë vendim të Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare.”