Fjalimi i fitores, Edi Rama i shtrinë dorën e pajtimit Lulzim Bashës dhe e fyen!
Fjalimin e tij të fitores, Kryeministri Edi Rama r filloi si familjar dhe në delir e përfundoi si rrugaç. Pasi e përcaktoi PD-nësi opozita e vetme, i shtriu dorën e pajtimit Lulzim Bashës duke thënë se bëri fushatën më të mirë në historinë e humbjeve të tyre ndërsa e shoqëroi me mesazhin e sinqertë, siç tha, për Bashën:
“Prano humbjen me dinjitet, se nuk bëre dot sa deshe, por bëre sa munde. Mospranimi i në kohën e duhur i kësaj humbje aspak turpëruese, e zmadhon përmasën e humbjes që PD arriti të dielën përballë PS.”
“Lulzim Basha dhe PD bënë fushatën më të mirë në historinë e humbjeve të tyre. Ata ishin më skuadër se në të gjitha herët e tjera dhe përtej ndonjë eksesi tradicional, gjëra që e dëmtuan dhe dëmtojnë forcën e tyre, demokratët ishin kundërshtarët jo aq të lehtë këtë herë, që meritojnë respektin tonë. U them atyre sinqerisht se më shumë se kaq nuk bënin dot, madje bënë më shumë seç mund të bënin normalisht. Sepse të mundësh PS, është po aq e pamundur se të mundësh Milanin, Interein e Barcelonën. Nuk po flas për Juventusin, sepse ky ishte viti ekskluziv i socialistëve.
Mesazhi im i sinqertë për Bashën është ky: prano humbjen me dinjitet, se nuk bëre dot sa deshe, por bëre sa munde. Mospranimi i në kohën e duhur i kësaj humbje aspak turpëruese, e zmadhon përmasën e humbjes që PD arriti të dielën përballë PS. Miq demokratë, ne jemi më të mirët, ju jeni më të mirët pas nesh. Ky është fakt. Nuk më takon mua dhe nuk është përgjegjësia dhe e drejta jonë të vendosni si do ta lexoni ju rezultatin. Nëse do jetë apo jo Basha që do drejtojë PD, kjo është puna juaj, por me apo pa Lulzim bashën, ne kemi të qartë që opozita jonë e vetme është PD,” tha Rama duke përfunduar:
“Ne i shtrijmë dorën e një bashkëpunimi të sinqertë, konkret, demokratik, pa asnjë paragjykim a kufizim, PD. Unë dua të jem kryeministri i gjithë shqiptarëve, jo vetëm i atyre që më dhanë mandatin e tretë. Duam të jem edhe i demokratëve, jo vetëm i socialistëve, unë dua që Shqipëria të ngjitet në majën, ku Zoti e deshi.”
Kjo festë u përmbyll ashtu si filloi, me liderin Edi Rama në delir:
Festa e Partisë Socialiste u zhvillua pas shpalljes së qartë të fitores edhe nga Kryetari i KQZ, Ilirian Celibashi, kur procesi i numërimit është drejt fundit, BE kërkoi nga palët të njohin rezultatin dhe konstatimin e misionit të OSBE/ODIH në raportin e tij se kishte shit-blerje të votave, kërcënime dhe presione ndaj nëpunësve shtetëror.
