Fjalimi i fitores, Kryeministrja e ardhshme e Italisë: Nuk jemi në pikën fundore, por fillestare!
Përkundër presionit të paparë të mediave evropiane mbi votuesit italian, dhe propapagandimit të rrezikut nga ekstremi i djathtë italian, sipas rezultateve paraprake rezulton se koalicioni i Qendrës së djathtë me kandidate për Kryeministre Giorgia Meloni, është fituese e thellë në zgjedhjet e parakohshme parlamentare.
Fitorja e thellë në të dy Dhomat e Parlamentit të Italisë mund të jetë rast për stabilitetin politik në Itali pas shumë koalicioneve të brishta që drejtuan vendin ndonëse koalicioni fitues i Qendrës së djathtë do të përballet me sfida të shumta si rritja e çmimit të energjisë elektrike, lufta në Ukrainë dhe stanjacionit të sërishëm të ekonomisë së tretë në eurozonë
Por, Giorgia Meloni ndryshe nga paraardhësit e saj komunistë, në fjalimin e fitores ishte më shpresëdhënëse duke fol me këmbë më tokë:
“Duhet ta mbajmë në mend, nuk jemi në pikën fundore, por fillestare. Prej nesër duhet të konfirmojmë vlerat tona,” tha Meloni 45-vjeçare para ithtarëve të partisë së saj “Fratelli d’Italia” nga 8 për qind sa kishin në zgjedhjet e vitit 2018, arritën të gëzojnë besimin e 26 për qin të italianëve në votimin e djeshëm.
Ndryshe nga megafonët e majtë të Evropës, Meloni në fjalimin e fitores duke mos harruar vlerat konservatore premtoi të mbështes politikën e Perëndimit ndaj Ukrainës dhe nuk do të bëjë eksperimente me financat fragjile italiane.
“Nëse jemi thirrur që të drejtojmë vendin, do ta bëjmë për të gjithë italianët me qëllim të unitetit të njerëzve dhe fokusimit në ato gjëra që na bashkojnë, dhe jo në ato që na ndajnë,” tha Meloni e cila do të jetë Kryeministrja e parë femër e Italisë e cila drejton partinë e vetme që nuk iu bashkua koalicionit të unitetit kombëtar të Mario Draghit ndërsa përfundoi:
“Koha është për përgjegjësi!”
Sipas rezultateve paraprake, dy partitë tjera të koalicionit të Qendrës së djathtë, Forza Italia e Silvio Berluskonit, Lega Nord e Mateo Salvinit, kanë marrë 8 për qind përkatësisht 9 për qind.
Ndërsa Partia Demokratik e Qendrës së majtë ka fituar vetëm 19 për qind të votave e deputetja e PD, Debora Serracchianiposto, e tmerruar nga rezultati, humbjen e komentoi ashtu si Edi Rama.
“E djathta ka shumicën në parlament, por jo edhe në vend!”
Ndryshe, seanca inaugurese e Parlamentit të ri të Italisë pritet të mbahet më 13 Tetor.
