Fjalimi i humbjes, Edi Rama: Nga ky proces duhet të dalë e fituar Shqipëria…

Fjalimi i Kryetarit të PS-së dhe kandidatit për kryeministër, Edi Rama, pas mbylljes së qendrave të votimit është më bindës se Exit Pollet se PS ka humbur zgjedhjet.

Nuk ishte as Edi Rama i vitit 2013 dhe as ai i vitit 2017, por mjë lider i pajtuar me humbjen që thotë se nga ky proces duhet të dalë e fituar Shqipëria dhe jo vetëm partia që do të vazhdojë të qeverisë.

“Tani është momenti që qytetarët të ndjekin nga shtëpia vazhdimin e këtij procesi. Nesër dielli do të lind përsëri, Shqipëria do të buzëqesh. Ajo që dua patjetër të theksoj nuk është e fundit për nga rëndësia, përkundrazi është se ne nuk duam thjesht rezultatin dhe konfirmimin si forcë qeverisjes, por duam që siç ishte kjo ditë kaq e bukur, kaq e qetë, kaq qytetare, falë mirësjelljes demokratike të të gjithëve, duhet të jetë edhe vazhdimi i këtij procesi,” tha Edi Rama duke dhënë mesazhin e qartë:

“Nga ky proces duhet të dalë e fituar Shqipëria dhe jo vetëm partia që do të vazhdojë të qeverisë.”