Flet Gjykata Kushtetuese, s’ka rivotim në Prishtinë

Gjykata Kushtetuese e Kosovës ka publikuar vendimin lidhur me ankesën e Arban Abrashit për vendimin e PZAP-së për zgjedhjet në Prishtinë.

Kushtetuesja ka marrë vendim në favor të Shpend Ahmetit, ku vendoset se ai do të vazhdojë të mbetet kryetar i Komunës së Prishtinës deri në zgjedhjet e ardhshme.

“Kolegji i Gjykatës Supreme e ka refuzuar si të pabazuar ankesën e Lidhjes Demokratike të Kosovës (LDK), dega në Prishtinë, të paraqitur kundër vendimit të PZAP-së”, thuhet në aktvendimin e Gjykatës.

Më tej në këtë aktvendim thuhet se Gjykata njëzëri refuzon si të pabazuar kërkesën e parashtruesve për seancë dëgjimore.

Ndryshe, ish-kandidati për kryetar të Prishtinës nga LDK, Arban Abrashi e kishte çuar në Kushtetuese në maj të 2018 zgjedhjen e Shpend Ahmetit për kryetar të Prishtinës, e cila ka të bëjë me vlerësimin e balotazhit më 2017.

Shpend Ahmeti, atëherë kandidat i Lëvizjes Vetëvendosje,  fitoi zgjedhjet për kryetar të Prishtinës, pas numërimit të votave me kusht, me postë dhe personave me aftësi të kufizuara.