Florence dobësohet, mijëra të bllokuar nga përmbytjet: “Më e keqja po vjen! “
Stuhia Florence që po shkatërron gjithçka që i del para në Juglindje të Shteteve të Bashkuara, sot është dobësuar në depresion tropikal, por autoritetet vazhdojnë të tërheqin vërejtjen për rrezikun nga përmbytjet.
Qendra Kombëtare për Uragane, NHC, ka hequr alarmin për stuhi në Karolinën e Veriut dhe të Jugut, por sot thekson se priten reshje shumë të mëdha të shiut në të dy shtetet federale.
NHC thekson se ekziston rreziku nga tornadot ndërkohë erërat në ditët në vazhdim do të shkojnë duke u dobësuar.
Gjatë stuhisë jetën e kanë humbur të paktën 13 persona, raporton BBC, duke përfshirë këtu edhe nënën me fëmijën, në shtëpinë e së cilës ra një pemë, pastaj gruan me atak kardiak tek e cila urgjenca nuk arriti të shkonte për shkak të stuhisë.
Autoritetet në Karolinën e Veriut kanë alarmuar se përmbytjet do të jenë edhe më të këqija dhe kanë këshilluar banorët që të mos lëvizin me makina. Ndërkohë autoritetet e qytetit të Fayetteville në këtë shtet federal, kanë urdhëruar evakuimin urgjent të banorëve që jetojnë në mes të dy lumenjëve, raporton BBC.
“Nëse refuzoni të largoheni gjatë këtij evakuimi të detyrueshëm, duhet të ndërmerrni hapa siç është informimi i të afërmëve të tyre sepse humbja e jetës është shumë, shumë e mundshme,” tërheq vërejtjen , kryebashkiaku Mitch Colvin, duke shtuar “më e keqja po vjen”.
Zëdhënësi i qytetit Fayetteville në Kraolinën e Veriut, Kevin Arata, sot ka shpallur një alarm të frikshëm:
“Më e keqja po vjen! ”
Florence brings unprecedented flooding; trapped residents rescued from rising waters: https://t.co/T3gtmmd6PF @VictorOquendo reports. pic.twitter.com/loOw8sPKHQ
— Good Morning America (@GMA) September 16, 2018
Rreziku nga përmbytjet katastrofike
“Po përballemi me mure prej uji në bregun tonë, lumenjtë, fushat dhe qytetet,” tha guvernatori i Karolinës së Veriut, Roy Cooper.
Erërat janë dobësuar dhe nuk arrijnë më shumë se 56,33 km/h.
“Florence do të sjellë përmbytje katastrofike në pjesët e Karolinës së Veriut dhe Jugut,” tha Steve Goldstein nga Agjencia për menaxhimin e emergjencave.
Sasia e paparë prej 50.8 cm/m3, ka rënë në pjesën lindore të Karolinës së Veriut, e në disa zona në mes të Wilmingtonit dhe New Bernit reshjet arritën deri në 76.2 centimtra.
