Fluks emigrantësh në portet shqiptare. Në Kapshticë e Kakavijë…

Pasi kaluan festat e fundvitit me familjarët dhe të afërmit e tyre, emigrantët shqiptarë, maqedonas dhe kosovarë po kthehen ne vendet e tyre ku jetojnë e punojnë prej vitesh përtej Adriatikut.

Sikurse para festave, tragetet tashmë po bëjnë disa herë rrugë vajtje-ardhje drejt porteve italiane, me qëllim përballimin e fluksit të lartë të pasagjerëve.

Sipas të dhënave zyrtare në 48 orët e fundit drejt brigjeve italiane kanë udhëtuar pesë tragete, me rreth 2700 udhëtarë.

Burime nga Qendra e Informacionit, bëjnë me dije se katër nga tragetet kanë lundruar drejt Barit, ndërsa i fundit drejt portit të Ankonës.

Gjatë ditëve në vazhdim pritet një rritje e numrit të udhëtarëve dhe automjeteve që do të shfrytëzojnë lundrimin me tragete, kryesisht drejt Barit dhe Ankonës.

Siç dihet tashmë, pika kufitare e portit të Durrësit shfrytëzohet edhe si pikë transiti edhe nga shtetasit kosovarë dhe ata maqedonas, si dhe për transport mallrash për vende të ndryshme të Ballkanit. 

Ndërkohë emigrantët po largohen edhe në pikat kufitare tokësore në Kapshticë e Kakavijë. Në Kapshticë vetëm në datën 3 janar kanë dalë  rreth 2300 shtetas shqiptarë dhe të huaj. Ndërsa në Kakavijë kanë dalë rreth 7500 shtetas shqiptarë dhe të huaj, ndërsa kanë hyrë rreth 3500 shtetas