“FNSH te selia e PD”, Paloka: Ne nuk marrim asgjë me dhunë!

Mediat e Edi Ramës në shërbim të Lulzim Bashës sot nga gjuetia e “formularëve të falsifikuar” kaluan në “marshimin e delegatëve dhe marrjen e selisë së PD me dhunë”, për të cilën arsye raportuan se janë parë Forca të Ndërhyrjes së Shpejtë rreth selisë qendrore të Partisë Demokratike. Por këtë skenar imagjinar e mohuan si Kryetari i Këshillit Kombëtar të PD, Edi Paloka ashtu dhe deputeti Luçiano Boçi.

“Nëse selinë e PD kanë frikë nga demokratët, ky është fundi. Ne nuk marrim asgjë me dhunë,” tha Edi Paloka duke shtuar se sot Kuvendi i mori vendimet e tij dhe të gjithë kanë detyrimin të zbatojnë vendimet.

Ndërsa deputeti Luçiano Boçi, duke mohuar se do të ketë marshim drejt selisë së PD-së tha se këto lajme janë skenarë ndërsa e bëri të qartë se nëse sot votohet shkarkimi i Kryetarit të PD-së, bie vlera e Kuvendit të thirrur nga Lulzim Basha më 18 Dhjetor.

“Jo nuk do të ketë marshim, skenarë të tillë janë imagjinar. Po vazhdohet me procedura të rregullta me qëllim që dhe largimi të jetë procedural dhe jo me skenarë. Janë anonçuar për të prishur këtë atmosferë. Ishte e drejta e kryetarit ta thërriste Kuvendin sipas statusit. Nëse ai rezulton i shkarkuar, bie vlera e 18 dhjetorit, siç ka thirrur Kuvendin. Referendume zhvillohet në dehët e PD.

Në çdo bashki dhe pjesa tjetër thashë se Kuvendi i 18 është në pikëpyetje për shkak të votimit. nëse rezulton i shkarkuar Basha, s’ka vlerë Kuvendi i 18 dhjetorit. Komisioni nuk është komisioni marrës i PD, por komisioni që do të merret me procedurat e organizmit të zgjedhjeve për drejtuesit e PD, për të gjitha strukturat. Mos t’i ngatërrojmë gjërat. Votat janë 50 plus 1.”.