“Foltorja” në Vlorë, Berisha: Lulzim Basha tradhtoi 610.000 zgjedhës që votuan PD-në

Ish-Presidenti Sali Berisha e pranoi edhe para demokratëve vlonjatë përgjegjësinë pse nuk ndërmori nismën në vitin 2017 për të larguar Lulzim Bashën nga posti i kryetarit të PD pas humbjes së zgjedhjeve, por edhe pse ia dha shansin ta provojë përsëri ai nuk mendoi për Partinë Demokratike por vetëm për veten e vetë.

Në vend që të denonconte patronazhistët, përdorimin e shtetit, përdorimn e krimit, blerjen e votës, Lulzim Basha u mor me karrigen e tij, pasi kishte frikë dhe e din vet ai se nga kush. Kjo e dyta është tradhëti, tha lideri historik Sali Berisha, ndaj 610 mijë zgjedhësve që votuan për PD.

‘’Në 2021 të dashur miq, ne jemi 12% më pak se në 2013. Kjo është e vërteta. Sali Berisha e ka thënë në çdo foltore, ka përgjegjësinë e tij të padiskutueshme. Në 2017 i kërkova të japë dorëheqjen.

Në çdo dalje televizive kam thënë se standard ii humbjes është dhënia e dorëheqjes. Por nuk ndërmorra atë që me të drejtë ju prisnit, dialogun me ju për largimin e tij. I kisha thënë që ti je lider i thyer, me akte që ke kryer, në zgjedhjet e 2017 ti nuk bëhesh dot lider. Provoje, do bëj gjithçka, por je i thyer. Se nuk vriten, nuk u dilet në pritë bashkëpunëtorëve, në errësirë e i gjuan, i ekzekuton se nuk i pëlqen. Po të jesh burrë u thua do ju heq, do ju bëj këtë. Në këtë sallë kam shumë kujtime, i kam të pashlyera. Në këtë sallë kemi mësuar e ushtruar ABC e demokracisë. Këtu kishim kryetarin Afim Jutin, i cili me një grup intelektualësh drejtonte këtë degë. Megjithatë ne në ’91 ishim njerëz që vinim nga shoqëria totalitare. Nuk kishim tolerancë, as dijen për demokracinë. Vinin në Tiranë më thoshin nuk bëhet Afrimin, s’ecet me të. Mirë u thosha unë, do vij unë aty. I thosha Afrimin, votëbesim, po thoshte Afrim. Më shumë se njëherë jemi mbledhur këtu, dhe votohet Afrim Juti, dhe merrte 70%. Ecnim.

E njëjta gjë me Fierin e Viktor Margilajn. Më thonin doktor ky është malësor, ne këtu jemi mallakastriot, kosovar, lebër. Viktori thoshte mirë, të më votojnë. Votohej me 80%, ne vijonim. Këtu u bë parti e vlerave dhe fituam zemrat e mendjet e shqiptarëve. Çfarë ndodhi këto vite? Këto vite gjithçka u shndërrua në funksion të një njeriu. Nëse ky njeri do na çonte në fitore, përkundrazi kjo u shndërrua në faktor kryesor të disfatave të përsëritura tona. Sepse synonte me çdokusht të krijonte liderin, po lideri nuk krijohet po nuk u bënë zemrat dhe mendjet tuaja. Përfunduam më 25 prill vetëm 19% e zgjedhësve kishin votuar për Bashën. Zotëria në vend të dorëheqjes, mendoi për veten e tij. Doli në konferencë tha është masakër elektorale.”

Humbja ishte e tmerrshme, Rama vodhi vota, dyfishin e 2017, e pranoi lideri historik i PD, por në vend të denoncimit ai u mor me karrigen e tij.

“Unë I sygjerova se këto janë kushtet. U përdorën 120 mln euro në zonat e tërmetit, iu dhanë bashkive 63 milionë, u shkel çdo rregull për një fushatë elektorale. Unë I tregova eksperiencën e 2001 sesi na vodhën votat por ne rrëzuam raportin përfundimtar, ku thuhej se parlamenti shqiptar nuk përfaqësonte vullnetin e shqiptarëve.

Ky në vend që të merej me këto, të denonconte patronazhistët, përdorimin e shtetit, përdorimn e krimit, blerjen e votës, ky u mor me karrigen e tij pasi kishte frikë dhe e din vet ai se nga kush. Kjo e dyta është tradhti ndaj jush ndaj 610 mijë zgjedhësve që votuan për PD,” tha lideri historik i PD, Sali Berisha, në “Foltoren për një Parti Demokratike më të bashkuar, më të fortë, më të hapur” në Vlorë, duke përfunduar:

“Ky nuk u bë lider pasi ia humbi konturet partisë. Kjo është parti e të drejtave të njeriut. Kujdo që ti shkelen të drejtat, partia qëndron në të drejtat e qytetarit. Partia i denoncon në të gjitha instancat evropiane dhe më tej. Na rrinin njerëzit burgjeve se I kapnin në protesta apo për arsye politike.”