Forcohet dollari, lajme të mira nga SHBA
Në tregjet botërore të valutave dollari ka shënuar një ngritje ndaj euros dhe jenit japonez, duke ju falënderuar treguesve të mirë ekonomik në SHBA.
Kështu, indeksi i dollarit tregon se vlera e valutës amerikane ndaj gjashtë valutave tjera, gjatë javës së kaluar është rritë 0.15 për qind, në 97.40 pikë. Ndërsa dollari ndaj valutës japoneze është rritur 0.8 për qind, në 111.75 jen.
Valuta amerikane është rritur edhe ndaj asaj evropiane, dhe kështu çmimi i euros ka rënë për 0.1 për qind, në 1.1215 dollarë.
Gjatë javës ka luajtur edhe vlera e paundit britanik ka lëvizur edhe si pasojë e paparashikueshmërisë në lidhje me Brexitin.
Mbështetje dollarit i kanë ofruar treguesit që ishin shumë më të mirë se sa ishin parashikuar në SHBA.
Treguesit ekonomik
Kështu, për shembull, të premten është publikuar se në muajin mars, në SHBA janë hapur 196.000 vende pune, rreth 15.000 më shumë se sa ishte parashikuar një muaj më parë.
Mbështetje dollarit i ka dhënë edhe shpresa e investitorëve që SHBA dhe Kina së shpejti do të arrijnë marrëveshje tregtare, me çka do ti jepet fund luftës doganore, e cila ka ndikuar tek dy ekonomitë më të mëdha botërore.
Pas raundit të ri të negociata, Presidenti i SHBA, Donald Trump tha në fund të javës së kaluar se dy vendet janë shumë afër arritjes së marrëveshjes, e cila do të publikohet brenda katër javësh.
Pikërisht shpresa për arritjen e kësaj marrëveshje SHBA-Kinë dhe lajmet e mira nga ekonomia amerikane kanë nxitur edhe bursat botërore.
Në Wall Street, Dow Jones është rritur për 1.9 për qind, në 26.424 pikë, derisa S&P 500 është rritur me 2 për qind, në 2.892 pikë, e indeksi Nasdaq 2.7 për qind, në 7.938 pikë.
Edhe në bursat evropiane vlerat e aksioneve janë rritë gjatë javës së kaluar. Indeksi londinez FTSE është rritur për 2.3 për qind, në 7.446 pikë, derisa ai i Frankfurtit DAX është rritur 4.2 për qind, në 12.009 pikë, e ai parisien CAC 2.3 për qind, në 5.476 pikë. Në bursën e Tokios, indeksi Nikkei është rritur 2.8 për qind, në 21.807 pikë 2.
