Forcohet dollari përkundër tensioneve SHBA-Kinë
Sot dollari u forcua ndaj valutave tjera në tregun ndërkombëtar sepse u rrit dhe kërkesa për strehim të sigurt të kapitalit përkundër tensioneve në rritje në mes të SHBA dhe Kinës.
Indeksi i dollarit, i cili tregon vlerën e valutës amerikane ndaj gjashtë valutave tjera më të fuqishme, është forcuar për 0.2 për qind në krahasim me mbylljen që u bë të premten, duke arritur 99.98 pikë, nivel ky më i lartë në javën e fundit. Joshja për dollarin rritet për shkak të statusit që ka si valutë për strehimin e kapitali në momente të paparashikueshmërisë gjithnjë e më të madhe në planin ekonomik dhe politik.
Ndërkohë euro ka pësuar rënie ndaj dollarit në nivelin më të ulët gjatë javës, në 1.0879 dollar, që do të thotë është dobësuar 0.2 për qind krahasuar me mbylljen e së premtes.
Ndër humbësit më të mëdhenj ndaj dollarit ishin dollari australian, i cili ishte i ndjeshëm me zhvillimin e ngjarjeve me Kinën, partner ky i rëndësishëm tregtar i Australisë, dhe juani kinez.
Propozimet ligjore kineze mbi sigurinë kombëtare për Hong Kongun mund të rezultojnë me sanksione dhe të cenojnë statusin e selisë financiare që ka, tha dje këshilltari i Shtëpisë së Bardhë për Siguri Kombëtare, Robert O’Brien. Për shkak të këtyre ligjeve, raporton Agjencia e lajmeve Reuters, dje në Hong Kong u mbajtën protesta.
Meqë tregjet financiare në Singapor, Britani dhe SHBA janë të mbyllura për shkak të festës së Bajramit, zhvillimet gjatë fundjavës kanë shtyrë investitorët që në fillim të javës që të bëjnë tregti më të kujdesshme.
Paundi ishte nën presionin e shitjes ndaj dollarit dhe euros në kushtet e rritjes së presionit politik ndaj kryeministrit Boris Johnson që të largoj nga puna këshilltarin e lartë, Dominic Cummings, pas raportit se në muajin mars kishte udhëtuar nga Londra në veri të Anglisë gjatë kohës së karantinës ndërsa bashkëshortja e tij ishte e sëmurë me COVID-19.
Dollari australian në klimën e acaruar ndaj riskut është dobësuar ndaj atij amerikan për 0.15 për qind. Në fillim në tregtimit mbështetjet për kohë të shkurtër I dha optimizmi në treg i ndërlidhur me daljen e vendit nga karantina.
