Formacionet zyrtare Peru-Danimarka

Do të luhet në orën 18:00, sfida mes Perusë dhe Danimarkës, e treta për ditën e sotme dhe e dyta në Grupin C pas Francë-Australi të përfunduar me rezultatin 2-1.

Si Peruja ashtu edhe Danimarka do të kërkojnë fitoren për të hedhur një hap drejt kualifikimit. Fitorja në sfidën e sotme do të ishte shumë përcaktuese për të dyja skuadrat, të cilat synojnë 1 nga 2 vendet e para.

Skuadra e Danimarkës vjen në këtë sfidë disi më e favorizuar duke qenë se ka në përbërje lojtarë cilësor si Eriksen, Shmaikëll, Kristiansen, Sisto dhe Jorgensen.

Për sa i përket Peursë, Farfan, Karillo dhe Guerreo, janë lojtarët më të spikatur. Ky i fundit do e nisë ndeshjen nga stoli. Kjo është hera e parë që këto 2 skuadra ndeshen me njëra-tjetrën.