Forumi Ekonomik Botëror në Davos, në fokus Trump dhe Inteligjenca Artificiale

Elita politike dhe ekonomike e botës mblidhet sot në qendrën e skijimit në Davos të Zvicrës ku do të zhvillohet Forumin Ekonomik Botëror vjetor, WEF.

Në Forumin e këtij viti, sipas WEF, do të marrin pjesë rreth 900 drejtorë ekzekutiv dhe 60 presidentë dhe kryeministra.

Hapja zyrtare është sot ndërsa fjalimet e liderëve do të fillojnë nesër.

Ndryshimet teknologjike, krimi kibernetik dhe inteligjenca artificiale

Programi zyrtar përfshin bisedime dhe panele mbi krimin kibernetik, inteligjencën artificiale dhe ndryshimet teknologjike, nën moton “Bashkëpunimi për një epokë inteligjente”.

Por vëzhguesit besojnë se takimi i këtij viti do të jetë i preokupuar më shumë se çdo gjë me kthimin e Donald Trump në Shtëpinë e Bardhë dhe pyetjet rreth lëvizjeve të tij në mandatin e tij të dytë presidencial.

Do të flasë edhe Trump

Donald Trump ka kërcënuar veçanërisht se do të vendosë tarifa për importet nga Kina dhe partnerët e tjerë të mëdhenj tregtarë, shumica e të cilëve do të përfaqësohen në WEF.

Trump ishte presidenti i parë amerikan që mori pjesë personalisht në forum gjatë mandatit të tij. Të enjten, Presidenti i SHBA, Donald Trump do të flasë sërish në Davos, por përmes video-lidhjes.

Ndërkohë nesër pritet të flasë Kancelari gjerman Olaf Scholz dhe Presidenti ukrainas Volodymyr Zelenskyy.