Forumi Strategjik, Lajçak takime të ndara me Kurtin dhe Vuçiçin
Përfaqësuesi Special i Bashkimit Europian për dialogun Kosovë-Serbi, Miroslav Lajçak, ka bërë të ditur sot do të zhvilloj takime të ndara në Bled të Sllovenisë me Kryeministrin e Kosovës, Albin Kurti dhe Presidentin e Serbisë, Aleksandar Vuciç, në përpjekje për të zhvilluar takimin e radhës që pritet të zhvillohet siç tha Kurti në vjeshtë.
“Ne duhet të pajtohemi se si ta përgatisim takimin e kryenegociatorëve, temat dhe çështjet e takimit. Jeta vazhdon dhe ne duhet t’i ndjekim zhvillimet,” tha Miroslav Lajçak sapo mbërriti në Bled të Sllovenisë ku po zhvillohet Forumi Strategjik “E ardhmja e Evropës” janë duke qëndruar edhe kryeministri i Shqipërisë, Edi Rama dhe ai i Maqedonisë së Veriut, Zoran Zaev.
Dhe, ndonëse Përfaqësuesi Special i Bashkimit Europian për dialogun Kosovë-Serbi, Miroslav Lajçak, u shpreh qartë në Forumin “Alpbachut” se nisma “Open Balkan” është konkurrencë e pashëndetshme për proceset e integrimit evropian të vendeve të Ballkanit Perëndimor, Presidenti i Serbisë, Aleksandar Vuçiç, pasi e akuzoi mbrëmë se kemi të bëjmë me njerëz që nuk i duan të mirën shtetit serb dhe zhvilloi një takim me miqtë e tij të vetëm, Kryeministrin e Shqipërisë, Edi Rama dhe atë të Maqedonisë, Zoran Zaev, në një restorant në Bled pronari i së cilës siç bëri të ditur vetë ai, ishte Konsulli i Nderit të Serbisë në Slloveni, Tomaz Kavçiç.
Presidenti i Serbisë, Aleksandar Vuçiq, mbajti takim me kryeministrin e Shqipërisë, Edi Rama dhe atë të Maqedonisë së Veriut, Zoran Zaev, me të cilët do të marrë pjesë nesër në Forumin Strategjik të Bled.
“Forumi Bled në Hijen e Ballkanit të Hapur. Mirësevini,” tha Aleksandar Vuçiç në mesazhin e tij përmes rrjetit social Instagram duke e shoqëruar me një fotografi ku janë Rama, Vuçiç dhe Zaev.
Ndryshe, Forumi Strategjik në Bled filloi sot me përshëndetjen e Ministrit të Jashtëm të Sllovenisë, Anzhe Logar, fjalën hyre të Presidentit të Këshillit Evropian, Charles Michel, Kryeministrit slooven Janez Jansha për të vazhduar me panelin kryesor ku fjalën e mori Presidenti i Parlamentit Evropian, David Sassoli.
