Foto e Ditës/ Garda e Narkoshtetit!

Në prag të fillimit të seancës së sotme plenare, deputetët e opozitës shtruan me miell në formë të vizave shkallët e fortifikuara me Gardën e Republikës, që për pak sekonda u mbuluan me miell ashtu siç është mbuluar shteti i Edi Ramës me kokainë, dhe sot si Gardë e Narkoshtetit vazhduan të mos lejojnë deputetët e opozitës të hyjnë në seancë. 

“Në narko-parlamentin e këtij regjimi ka dy rrugë. Shihni përfaqësuesit, kë përfaqësojmë ne? Popullin opozitar. Kush e nisi këtë padrejtësi? Ne na mohuan fjalën. Ata tentuan që të zhbëjnë opozitën. Po për ca jemi zgjedhur ne? Ti bëjmë fasadë Ramës? Ne jemi për të përfaqësuar opozitën, ata që duan lirinë,” tha Sekretari i Përgjithshëm i Partisë Demokratike dhe deputeti i PD, Flamur Noka duke akuzuar gardistët se po i shërbejnë narkoregjimit duke ndaluar përfaqësuesit e popullit të hyjnë në Kuvend.

“Janë pjesë e mazhorancës, po i shërben narkoregjimit. Në krye të detyrës, të ndalosh përfaqëuesit e popullit të hyjë në Kuvend.”

Nën miellin e narkoregjimit përfundoi edhe Sekretari i Përgjithshëm i Kuvendit, Genc Gjonçaj, i cili pa kurrfarë lidhje po qëndronte në vendin e krimit, aty ku Garda vazhdonte të mos lejoj deputetët e opozitës të futen në seancë plenare.