Foto e ditës/ Klodian Zoto rrezitet në Vlorë, Berisha: Ja makina me të cilën lëviz!

Zyrtarisht janë në kërkim nga SPAK të akuzuar për inceneratorët, por sot Kryetari i PD, Sali Berisha, jep detaje të reja duke heksuar se Klodian Zoto rrezitet në Vlorë ndërsa Mirel Mërtirit ju refuzua azili në Vjenë, po bëhet gati të ikë në Zimbabve

“Ju informoj këtu se, sekretin që mban qeveria pikërisht për këto qëllime, Mirel Mërtiri që ndodhet në Vjenë dhe ka kërkuar azil politik ka kaluar gjykimin në Gjykatën e Shkallës së parë në Vjenë dhe gjykata ja ka refuzuar azilin politik Mirel Mërtit. Lajmi censurore nga mediat e Ramës dhe djegësave.

Por censurimi është edhe më problematik sepse qeveria po i përgatit pasaportën atij në mënyrë që ai të ja mbathë atje ku janë një pjesë e mirë e parave në Zimbabve. Këto janë informacione të sigurta,” tha Sali Berisha në konferencën e përjavshme ndërsa Klodian Zotos përveç se është në Vlorë dha edhe targat e makinës me të cilën lëviz:

“Ku është Klodian Zoto, çfarë bën? Zoto rrezatohet, bronzohet mirë e bukur në Vlorë. Dhe në dispozicion të Klodian Zotos, ua them me përgjegjësi të plotë, nga persona që nuk u shpëton gjë, kjo është vetura me të cilën shëtit Klodian Zoto dhe e kujt është thoni ju, është e ‘Integrate Energy’ që tani e ka agjencia shtetërore e mbikëqyrjes së djegësit të Tiranës.”