Foto e Ditës/ Saimir Tahiri feston me Safet Bajrin dhe Klement Balilin

Deri sa drejt SPAK-ut po dynden ministra dhe bashkëpuntor të Edi Ramës të ftuar nga prokurorët e Strukturës së Posaçme kundër Korrupsionit dhe Krimit të Organizuar, dalin foto nga qelitë edhe të atyre që janë dënuar, dhe siç faktohet stazhin kriminal e kanë vazhduar edhe në qeli!

Njëra ndër fotot e këtij lloji është ajo me “kampionin” e luftës kundër krimit, Ish-Ministrin e Brendshëm, Saimir Tahiri, i shoqëruar me Escobarin e Ballkanit, Klement Balili, dhe drejtuesin e bandës së Bajrave të Shkodrës, Safet Bajri!

“Siç e shikoni, kjo foto është bërë brenda një qelie në burgun e Kosovës në Lushnje, pak muaj më parë!
Siç duket në foto, Po festojnë diçka me verë e ushqime brenda qelisë!! Në burg është e ndaluar vera, por nga fotoja duket se janë të pashqetësuar për këtë fakt dhe dihet tashmë që nëpërmjet shisheve të kolës futej vera në burgje! E për ta kuptuar se sa serioze ka qenë qeveria Rama për luftën ndaj krimit, kjo foto tregon shumë!” – thekson gazetari Flamur Vezaj i cili e publikoi foton në rrjetet sociale.

Ndryshe, si Klement Balili ashtu dhe Safet Bajri janë bërë të njohur për opinionin publik nga aksionet policore që publikoheshin për kapjen e tyre me regji të filmave të Hollywoodit, por që dështonin, sipas raporteve mediatike të porositura, për shkak të dekonspirimit të aksioneve