Foto e radhës!

nga Jorida Tabaku

Shqipëria kjo humbëse e madhe në Samitin e Poznan!

Ndërkohë që Samiti i Poznan po përfundon, Shqipëria po del me duart bosh nga ndarja e fondeve të Procesit të Berlinit! Si gjithmonë siç është bërë normale, Shqipëria ka 6 vite që nuk plotëson asnjë nga kriteret e procesit të integrimit, përkundrazi kemi hapa pas, nuk tregon asnjë seriozitet për të paraqitur projekte serioze si gjithë rajoni për të përfituar nga fondet e BE!

Procesi i Berlinit u lançua nga Merkel për ti dhënë një shtysë procesit të integrimit në Ballkanin Perëndimor dhe qysh në nisje Shqipëria dështoi për të përfituar duke mbetur e fundit në rajon në të gjitha fazat. Sot nuk morëm asnjë lajm pozitiv për hapjen e negociatave ashtu si u vlerësua fqinji jonë Maqedonia e  Veriut, por asnjë lajm pozitiv dhe për projektet infrastrukturore ashtu si përfitoi gjithë rajoni:

Maqedonia e Veriut përfitoi 2 projekte, Bosnja 2, Kosova 2, Serbia 1 e kështu me radhe!

Procesi i integrimit kërkon partnerë seriozë, kërkon rezultate e kërkon meritë! Asnjë nga këto fatkeqësisht nuk mund ta gjejmë me qeverisjen e sotme. Sot zbatimi i ligjit, krimi e korrupsioni janë në nivelet më të larta, sot vullneti politik po e çon Shqipërinë në drejtim tjetër e jo drejt BE!

Është fatkeqësi që mbas çdo samiti ku ne duhej të prisnim rezultate, na shitet vetëm foto e radhës!

Dhe këtë herë u theksua ajo që gjithë shqiptarët kanë parë e kanë provuar, me Edi Ramën nuk ka negociata! Me Edi Ramën nuk ka zhvillim!

Prandaj me 8 Korrik të gjithë do protestojnë për ti hapur rrugë zhvillimit të Shqipërisë!

Asnjë hap pas!