Foto/ Kokaina nga Pireu në Durrës, ja momenti kur trafikanti e transporton me çantë jashtë portit…

Kokaina u transportua me kontenierë nga Porti i Pireut në Portin e Durrësit ndërkohë BW sjell foto ku shihet oficeri i sigurisë në Port, Ardian Bega, i cili u arrestua sot nga policia si njëri prej tre shqiptarëve që pritën drogën, duke e transportuar kokainën me çantë jashtë portit.

Ardian Bega mendonte se në pako kishte kokainë, por në fakt, në to rezultoi të kishte oriz. Kjo për faktin se trafiku i lëndës narkotike ishte pikasur që në Greqi, nga policia fqinje dhe DEA amerikane, të cilët më pas kishin bërë zëvendësimin e 137 kg kokaine me oriz në Portin e Pireut dhe kishin mbajtur nën vëzhgim lëvizjet e kontenierit, deri në Durrës, për të zbuluar rrjetin e trafikut të kokainë greko-shqiptar.

Ndryshe, bashkë me Ardian Begën, policia ka arrestuar edhe Altin Mislihakën, ndërsa ka shpallur në kërkim djalin e avokatit shqiptar, Gentian Malindi, të tre këta shtetas që rezultuan të jenë pritësit e kokainës.