FOTO/Mbytjet në det, ku janë qendrat shëndetësore dhe ambulancat që promovoi Manastirliu…

Sezoni turistik në Shqiëpri duket se po shkakton një bilanc të frikshëm të jetëve njerëzore që po humbasin në det si pasojë e mbytjes apo problemeve me zemrën.

Deri më tani theksi është vënë në mungesën e kullave të vrojtimit apo edhe të atyre që quhen roje plazhi, por një tjetër mashtrim që del në pah është mungesave e qendrave shëndetësore dhe ekipeve me mjekë në këto zona turistike.

Qeveria përmes Ministrisë së Shëndetësisë bëri të ditur çeljen e 26 qendrave shëndetësore dhe angazhimin e stafeve mjekësore dhe ambulancave në pikat e ndryshme turistike të vendit, nga veriu në jug.

Kryesisht qendrat shëndetësore në letrat e qeverisë janë në bregdet, ku vetëm në Durrës janë të paktën 6 qendra.

Një prej tyre është edhe në Gjirin e Lalzit, atje ku numërohet numri më i lartë i viktimave nga deti. Në pothuajse asnjë rast bluzat e bardha të promovuara për shoë nga Ministria e Shëndetësisë nuk kanë qenë present, ndërsa në 3-4 raste qytetarët janë shpëtuar nga pushuesit dhe jo nga ndihma e shpejtë.

Fotot e mëposhtme tregojnë atë çka është reklamuar nga qeveria, ndërsa numri i viktimave tregon se gjithçka ka mbetur në letër apo në kronikat mediatike…