Foto/ Nuk i ndihmon dot Rama, Sandër Lleshi nuk të shikon në sy. Shenjë që…

Në ditën e marrjes së detyrës, duke  përjashtuar përplasjet politike dhe veprimet jokorrekte si të kryeministrit Edi Rama ashtu edhe Presidentit Ilir Meta, momenti i prezantimit me Zv/ministrat tregon shumë, shumë më shumë se lëvdatat e Edi Ramës ose kritikat e Ilir Metës.

Meqë pas fjalës, sytë janë mjeti më i rëndësishëm i komunikimit, shikimi i Sandër Lleshit në momentin kur prezantohet me stafin nuk është se vetëm zhgënjen por të tmerron.

Për këtë na ndihmojnë fotot, jo të shkrepura nga ndonjë paparac profesionist por fotot zyrtare. Po, fotoja vlenë sa 1000 fjalë, por në rastin e Zv/ministrit Sandër Lleshi sot Zot në Ministrinë e Brendshme, fotoja ka vlerë të jashtëzakonshme për të parë se kujt i besoi Ministrinë e Brendshme, Edi Rama.

Si është e mundur që kreu i një Ministrie as në ditën e tij të parë në punë, nuk dënjon të shoh asnjërin në sy, si kolegët e tij Zv/ministra ashtu edhe njeriun më të rëndësishëm në polici, Drejtorin e  Policisë, Ardi Veliu.

Për njeriun që nuk të shikon në sy, përkufizimin e ka dhënë populli, ndërsa shkenca e sqaron kështu:

“Sytë pas fjalës janë mjeti më i rëndësishëm i komunikimit. Njerëzit që shikojnë anash janë nervoz, gënjejnë, ose janë të hutuar. Mirëpo, nëse njeriu nuk e shikon bashkëbiseduesin në sy, gjithashtu mund të jetë shenjë e qartë e nënshtrimit. Ky lloj shikimi zakonisht do të thotë se personi është i pabesueshëm ose i pabindur.”

Dhe, nëse këtij përkufizimi i shtojmë edhe faktin se Sandër Lleshi është dhe ushtarak, atëherë situata bëhet edhe më e rëndë.