Foto/ Pas më shumë se një viti në arrati, arrestohet Artan Grubi
Pas më shumë se një viti në arrati, sot Ministria e Brendshme e Maqedonisë së Veriut ka konfirmuar se ka arrestuar në pikën kufitare Bllacë, Ish-Zv/Kryeministrin Artan Grubi.
Sipas njoftimit zyrtar të Ministrisë së Punëve të Brendshme, Artan Grubi është privuar nga liria në orën 06:10 dhe është dërguar në mbajtje për procedura të mëtejshme. Ai po përballet me akuza që lidhen me rastin e Lotarisë Shtetërore, ndërsa ndaj tij kishte qenë aktive masa “Arresto”.
Ndryshe, në dhjetor të vitit 2024, Departamenti amerikan i Shtetit, DASH, e kishte futur Artan Grubin në listën e zezë të Shteteve të Bashkuara, së bashku me gjykatësin e Gjykatës së Apelit, Enver Behxheti, për përfshirje në atë që u cilësua si “korrupsion i madh”.
Sipas DASH, Artan Grubi dhe Enver Behxheti dyshohet se kanë pranuar ryshfet për të ndikuar dhe minuar proceset gjyqësore që lidhnin me dënimin penal të Ish-Drejtor i Shërbimit Sekret. Sasho Mijalkovit. Në listën e zezë u përfshinë gjithashtu edhe anëtarë të familjes së ngushtë të Grubit.
Artan Grubi ka ushtruar funksionin e Zv/Kryeministrit të Maqedonisë së Veriut gjatë mandatit 2020–2024, si përfaqësues i Bashkimit Demokratik për Integrim, BDI.
Pas vendimit të DASH, Artan Grubi reagoi përmes një postimi në Facebook, duke deklaruar se ishte informuar për vendimin përmes mediave dhe duke mohuar çdo përfshirje në korrupsion.
“Si një person që jetën time publike ia kam kushtuar mbrojtjes së vlerave demokratike perëndimore dhe që kam punuar vazhdimisht për anëtarësimin e vendit në NATO dhe Bashkimin Evropian, ky vendim më prek drejtpërdrejt dhe personalisht,” u shpreh Artan Grubi.
Tashmë, pas arratisë së kot, Artan Grubit i ngelet të përgënjestroi Departamentin amerikan të Shtetit dhe ti tregoi opinionit publik lidhjen e tij me shefin e shërbimit sekret, Sasha Mijalkov, lidhje e cila la gjurmë të thella në politikën shqiptare në Maqedoni të Veriut dhe dëmtoi rëndë BDI-në ku ai pretendonte se po e përfaqëson në Qeveri, dhe rezultoi se nuk ishte e vërtetë!
Ndërkohë, shqiptarët e Maqedonisë së Veriut, përveç se një Zv.Kryeministrit të korruptuar dhe lidhjen me shefin e shërbimit sekret Sasha Mijalkov, si dhe në listën e zezë të DASH, do ta kujtojnë Artan Grubin edhe si bashkëpunëtor i ngushtë i Kryeministrit Edi Rama të cilit i raportonte nga terreni!
