Foto/ Për një foto me Luanin rrezikoi jetën. Arsyetimi i drejtorit të Kopshtit Zologjik është shokues

Olga Solomina, 46 vjeç, gjatë një vizite në Kopshtin Zologjik në Krime, i lindi një ide e çmendur – të bëjë foto me luanin.

“Vetëm jam ulur dhe e kam lëshuar dorën lehtë mbi luanin, ashtu siç më ishte thënë. Në po atë sekondë ai më kafshoi dorën dhe më tërhoqi si të isha kukull. Kur e vërejtën se diçka po ndodhë, edhe luanët tjerë u ngritën në këmbë. Në atë moment vetëm kam mbyllur sytë dhe prita që të më bëjnë copa. E gjitha kjo skenë ka zgjatë disa sekonda, por mua mu duk si përjetësi,” tha Olga për mediat lokale, raporton britanikja “Metro”

Olga tha se shumica e konsiderojnë fajtore për situatën e krijuar, por ajo thekson se krerët e Kopshtit Zologjik nuk vepruan në bazë të rregullores.

“Kam paditur drejtorin e Kopshtit Zologjik pse nuk thirri menjëherë ambulancën, por urdhëroi veterinerin që të më kontrolloj dhe të më kuroj plagët. Dhe, në gjithë këtë siklet më ofroi raki që të qetësohem,” tha ajo.

Krerët e Kopshtit Zologjik i kanë kundërshtuar këto akuza dhe shtuan se ajo gjatë sulmit ishte e dehur, dhe se tentoi ta godiste luanin.

Me rastin e mjekimit, Olgës iu diagnostifikua infeksioni serioz.

“Organizmi është infektuar nga dhëmbët e luanit i cili e sulmoi. Ky është një infeksion shumë i rrezikshëm. Detyrimisht iu nënshtrua operacionit. Gjendja e saj shëndetësore është më mirë, por duhet ti nënshtrohet një ndërhyrje të kirurgjisë plastike. Në këtë moment nuk mund të themi nëse do ti kthehet funksionimi norma i dorës,” tha zëdhënësi i spitalit Nikolaj Vlasov.

Policia po vazhdon me hetimet.