FOTO/ Peticione me firma në mbrojtje të Teatrit
Aktorët dhe artistët që nuk u bënë pjesë e pazareve për Teatrin Kombëtar, u mblodhën sërish në protestë mbrëmjen e sotme.
Por në dallim nga herët e tjera, sonte përvec fjalimeve kishte edhe mbledhje të firmave për të kundërshtuar shembjen e godinës së teatrit.
Qytetarët me një kartë identiteti bëheshin pjesë e peticionit, përmes së cilit synohet të pengohet ligji i kaluar me procedurë të përshpejtuar me votat e mazhorancës në Kuvend.
