FOTO/ Punonte në gjykatën italiane, shqiptari bie nga shkallët dhe …

Një shqiptar ka humbur jetën aksidentalisht në gjykatën e Palermos, ndërsa po punonte për instalimin e fibrës optike në zyra, raportojnë mediat italiane.

Viktima, sipas të njëjtave burime është Edmondo Fejzullai 48 vjeç nga Durrësi, por që banonte në qytezën Massafra.

Mediat lokale publikuan edhe një fotografi të shqiptarit, i cili raportohet se sot kishte ditëlindjen.

Raportohet se ai ishte duke punuar në një zyrë të gjykatës, kur është rrëzuar nga shkallët dhe ka përfunduar mbi një tavolinë qelqi. Ka pësuar të çara në këmbë dhe si pasojë e hemorragjisë dyshohet se ka humbur jetën.

Po verifikohet edhe nëse ambulanca i ka dhënë punëtorit ndihmë në kohën e duhur, si dhe për rregullat e sigurisë në vendin e aksidentit.