FOTO/ Rama mburret me shifrën e papunësisë, qytetarët: Pinok, boll gënjeve…

Ministri i Financave, Arben Ahmetaj, deklaroi dje uljen e nivelit të papunësisë, duke e cilësuar si historike.

Ndërkohë sot, Kryeministri Edi Rama përmes një postimi në rrjet, thekson se INSTAT nxori shifrën e re të papunësise dhe pa pasur as më të voglën vetëkënaqësi, sepse sfida mbetet e jashtëzakonshme e komplekse – duke filluar nga domosdoshmëria për ta ulur më tej papunësine, tek nevoja për të rritur mbrojtjen e punonjësve si edhe objektivi ambicioz që pagat e ulëta të rriten gjithashtu – qëndron sidoqoftë fakti i pamohueshëm që në drejtim të punësimit vazhdon vit pas viti një kthesë themelore drejt një të nesërmeje shumë më të mirë se sa e sotmja.

Por komenti i Ramës ka shkaktuar reagime të shumta në rrjet. Ndjekësit e Kryeministrit nuk ngurojnë ta cilësojnë pinok dhe gënjeshtar.  Të tjerë i kujtojnë Ramës qindra mijëra shqiptarë që kanë emigruar drejt vendeve të BE-së.