FOTO/ Stafi i Veliajt ‘përgjon’ telefonat e artistëve, ja sms që publikon …
Ka nisur me përplasje tryeza e inicuar nga Kryebashkiaku i Tiranës, Erjon Veliaj, me artistë dhe arkitektë, lidhur me Teatrin Kombëtar.
Neritan Liçaj, në emër të artistëve dhe aktorëve, që kundërshtojnë variantin e qeverisë për shembjen e godinës aktuale dhe zbatimin e një projekti me kulla shumëkatëshe dhe teatër, tha se nuk e njohin Veliajn si negociator dhe u largua.
Por, kryebashkiaku u shpreh se kishte një sms që disa artistë po përdoren nga PD-ja për luftë politike.
Zyra e shtypit e Bashkisë ka publikuar fotot e dy sms-ve që sipas saj tregon se Sindikata e Artistëve merr urdhra nga zyrtarë të PD-së lidhur me kohën se kur duhet të flasin, si duhet të sillen dhe çfarë duhet të thonë.
“Nga mesazhet e fotografuara që avokatja militante e PD, Mirela Jorgo, i dërgonte zyrtarëve të PD duket qartësisht se si ishte inskenuar gjithçka, duke nxjerrë zbuluar planin e PD për prishjen e dëgjesës.
Taulanda Jupi, një nga koordinatoret e protestës së çadrës së Partisë Demokratike, i dërgon urdhra me sms përmes Mirela Jorgos, duke u kërkuar që të ndërhyjnë dhe të marrin nën kontroll situatën dhe te prishin dëgjesën”, thotë stafi i Veliajt.
