FOTO/ Të rinjtë e FRPD përplasen me policinë para Kryeministrisë
Të rinjtë e FRPD-së që protestuan pasditen e sotme duke kërkuar largimin e Fatmir Xhafajt dhe Edi Ramës u përplasën me policinë para godinë qeveritare.
Disa dhjetra force policore u angazhuan para godinës së qeverisë, duke tentuar të ndërpresin protestën e të rinjve të FRPD-së, që mbanin në duar një banderolë në formën e një bilete udhëtimi për Edi Ramën me destinacion Kolumbinë.
Për disa minuta protestuesit tentuan të vendosin banderolën në shkallën e Kryeministrisë, por një gjë e tillë nuk u lejua nga policia, e cila ishte bërë gardh në fillim të trotuarit para godinës.
