Foto/ Vuçiç nuk kupton shqip, por Batonin e Buzhalën i kupton mirë!
“Express” nuk u bë kurrë gazetë dhe për dështimin, ata që ishin pjesë e këtij projekti, fajësuan Baton Haxhiun dhe Berat Buzhalën që ishin drejtues të saj; Ndërsa lexuesi që shumë shpejtë e krijoi idenë se ajo nuk i hynë në punë njeriu, nuk e konsideroi si ndonjë dështim intelektual sepse nuk kishte një rrezatim të tillë as edhe një ditë.
Si gazetë shtypi u mbyll shumë shpejtë ndërsa në botën virtuale, aty ku drejtëshkrimi dhe besueshmëria e lajmit nuk luajnë ndonjë për ata që hapin celularin, gjeti terren.
Por sot u dëshmua se gazeta e Batonit dhe Buzhalës, “Express”, nuk ishte krijuar kot dhe nëse mund të quhet njeri Presidenti i Serbisë, Aleksandar Vuçiç, i hyn në punë edhe njeriut.
Në debatin e sotëm parlamentar, Vuçiç duke ju përgjigjur kritikave të Miroslav Aleksiçit nga Partia Popullore i kujtoi politikën katastrofike të liderit të kësaj partie, Vuk Jeremiç dhe si argument i tundi gazetën “Express”.
“Nuk kuptoj shqip, por këtë ‘Hvala Vuče’ e kuptoj. Ata falënderojnë liderin e partisë tuaj, për të cilin thonë se u solli pavarësinë,” i tha Vuçiç, Aleksiçit, duke e garantuar se serbët në Kosovë do ti mbrojë nga ata që e sulmojnë më shumë se ata në Prishtinë.
Duke pasur parasysh gazetën që mbanë nën sqetull Presidenti i Serbisë edhe kur shkon në Parlament, është e qartë se për kë mendon ai kur thotë “ata në Prishtinë”, por falë ndërgjegjësimit të shqiptarëve tani është e qartë se me kë do bëhet shteti, ndërsa “ata” i janë lënë Vuçiçit të bëjë show mediatik si në Beograd ashtu dhe Prishtinë e Tiranë.
