FOTOLAJM/ Ja me se ka udhëtuar Rama drejt Lurës…
Kryeministri Edi Rama zhvilloi një ditë më parë një takim me banorët e Lurës në Dibër në kuadër të projektit të qeverisë për zhvillimin e agro-turizmit ku përfshihen 100 fshatra.
Vizita e Ramës në Dibër, gjithashtu lidhet me nisjen e punimeve sot në rrugën e Arbrit.
Por gjatë bashkëbisedimit të Kryeministrit me banorë të zonës nuk kanë munguar batutat dhe replikat lidhur me investimet në zonë.
Kjo është vizita e parë e një Kryeministri në Lurë dhe nuk dihet nëse Rama dhe qeveria e tij do të mbajnë premtimet e artikuluara, që lidhen kryesisht me investimet në infrastrukturë.
Por me çfarë shkoi Rama në Lurë?
Sikundër raportohet Kryeministri ka udhëtuar drejt zonës së thellë malore me helicopter. Kjo të paktën është publikuar nga ish-Kryeministri Sali Berisha, i cili ka postuar në rrjet mesazhin e qytetarit dixhital dhe foto.
“Sarkazma e qytetarit dixhital me Edvinin! Lexoni mesazhin dhe shikoni foton e tij : “Shiko z.Berisha si na erdhi Edi Rama në Lure dhe na flet për rrugët”, shkruan qytetari, në mesazhin e publikuar nga ish-Kryeministri.
