FOTOLAJM/ Refugjatë afganë pranë Bashkisë? Ja çfarë poston aktivisti i shoqërisë civile

Disa persona, për të cilët aktivistë të shoqërisë civile thonë se janë refugjatë afganë që kanë ardhur në Shqipëri, janë gjetur para Bashkisë së Tiranës.

Ata janë shoqëruar nga policia, ndërsa më parë aktivistë të shoqërisë civile, kishin postuar foto në rrjet. Zirkon Disha dhe Altin Goxhaj në komentet e tyre në rrjet shkruajnë se afganët kanë ardhur në këmbë dhe po kërkojnë kamp, zë UN thanë.

Qytetarët kanë vënë në dijeni efektivët e Policisë, të cilët kanë ardhur për t’i marrë në pyetje dhe orientuar drejt qëndrave të pritjes.

Prej disa ditësh ka një debat të hapur nëse në Shqipëri duhet të nrgihen ose jo kapme refugjatësh. Një deputet gjerman, një ditë më parë tha se, oferta për ngritje kampesh është e Kryeministrit Edi Rama. Por ky i fundit e ka mohuar ngritjen e kampeve në atë masë sa deklarojnë mediat ndërkombëtare, për të pritur deri në 600 mijë persona.