FOTO+VIDEO/ Festimet në Francë, dhunë e plaçkitje, përplasje me policinë. Dy viktima…

Fitorja e Francës në Botërorin “Rusi 2018” është shndërruar në një tmerr në kryeqytetin francez, Paris. Forcat e policisë janë perleshur me turma të mëdha njerëzish që ishin në shesh në Champs-Élysées, ku u përdor edhe gazi lotsjellës.

Aty shpërthyen grindjet dhe plaçkitjet, vjedhjet neper xhepa, ndërkohe që si bilanc i fundit llogariten edhe dy persona të vdekur.

Fansat hynë nëper dyqane dhe shkatërruan dritaret para se drejt tyre të ndërhynte policia.

Në qytetin Alpine të Annecy, një tifoz 50-vjeçar i Francës gjeti vdekjen pasi perfundoi ne nje kanal. Ndërkohe në afërsi të Saint-Felix, pati një tjetër vdekje kur një burrë në të 30-at vdiq pas përplasjes me një pemë.

Sipas shtypit francez, të rinj të ndryshëm, disa prej të cilëve ishin me kapuçë, kanë plaçkitur dyqanet duke marrë shishe vere dhe shampanje.

Pas 15-20 minutash u dëbuan nga sheshi me doza të forta gazi lotsjellës, të lëshuara nga policia.

Incidente, konflikte dhe gazlotsjellës edhe në qendër të Lionit, në Rouen dhe Mentone.

Rreth 110 mijë forca policie u mobilizuan nga Ministria e Brendshme franceze për të garantuar sigurinë e kësaj fundjave të veçantë franceze.