Franca mund Perunë dhe kalon Grupin…

Franca kualifikohet në të tetën e finales së Kampionatit Botëror, ndërsa Peruja humb të gjitha shpresat dhe tani pret takimin e fundit me Australinë, për të paketuar mv pas valixhet dhe të kthehet në shtëpi.

Francezët treguan një lojë më të mirë dhe e mposhtën me rezultat 1:0 Perunë, në ndeshjen e dytë të grupit C.

Franca tani ka qetësinë për faktin se ka siguruar kualifikimin dhe sfidën e fundit të grupit do të luajë me Danimarkën.

Në minutën e 12-të, Griezmann nga një pozitë e mirë gjuajti jashtë portës. Më pas edhe Pogba rrezikoi, por peruanët ishin me fat. Në minutën e 31-të, Cueva dështon nga një pozicion i mirë.

Mbappe në minutën e 34-të, shënoi golin e fitores pas një gabimi të mbrojtjes së Perusë.

Për Perunë kjo është humbja e dytë rresht pas asaj nga Danimarka me rezultat 1:0, ndërsa Franca regjistron fitoren e dytë rresht por që dyja me rezultate të ngushta sepse me 2:1 e kishte mundur Australinë.

Franca kryeson renditjen me 6 pikë, dy më shumë se Danimarka, kurse Australia është në vendin e tretë me 1 dhe Peruja e fundit pa asnjë pikë.

Gjithçka është e qartë sa i përket Perusë, është eliminuar dhe pret vetëm sfidën e fundit, kurse Franca feston kualifikimin dhe është prej kombëtareve favorite për fituar botërorin.

Franca-Peruja 1:0

Stadiumi “Central”, Ekaterinburg”.

Shikues: 31.000.

Gjyqtar: Mohammed Abdulla Hassan (Emirate e Bashkuara Arabe).

Shënues: Mbappe (34’).

Kartonat e verdhë: Matuidi, Pogba – Guerrero, Aquino.

Franca: Lloris, Pavard, Varane, Umtiti, Lucas, Pogba (N’Zonzi 89’), Kante, Mbappe (Dembele 75’), Griezmann (Fekir 80’), Matuidi dhe Giroud.

Peruja: Gallese, Advincula, Ramos, Rodriguez (Santamaria 46’), Trauco, Aquino Sanchez, Yotun (Farfan 46’), Carrillo, Cueva (Ruidiaz 82’), Flores dhe Guerrero.