Franca pa Qeveri! Japin dorëheqje Kryeministri dhe…

Kryeministri i Francës, Edouard Philippe, ka dhënë dorëheqje të cilën Presidenti Macron e ka pranuar, raporton Agjencia e lajmeve AFP duke saktësuar se dorëheqje kanë dhënë edhe të gjithë ministrat.

Ditë më parë, Presidenti i Francës, Emmanuel Macron, për mediat lokale tha se do të hartoj “një rrugë të re me ekip të ri”, duke konfirmuar se do ketë ndryshime në qeveri në ditët në vijim.

“Jam pranë përzgjedhjes për një rrugë të re. Bëhet fjalë për qëllime të reja pavarësie, ripërtrirje dhe mënyra të reja me të cilat duhet të lëvizim. Pas tyre do të qëndrojë një ekip i ri,” sqaroi Macron. 

Sipas të përditshmes franceze Le Monde, që nga fillimi i mandatit pesëvjeçar qeverinë franceze e braktisën 17 ministra,13 prej të cilëve dhanë dorëheqje.

Ndryshe, Macron për “rrugën e re“ ka përcaktuar prioritetet që do të bazohen në politikën shëndetësore dhe planet për të rinjtë.