Francë dhe Gjermani, “Shpirti” arreston dy truprojat e Ish-Ministrit Saimir Tahiri

Në Francë dhe Gjermani janë arrestuar dy truprojat e Ish-Ministrit të Brendshëm, Saimir Tahiri. Hekuran Marku është arrestuar në Gjermani, ndërsa Paul Deda, në Francë, pas mega operacionit të trafikut ndërkombëtar të drogës, korrupsionit, abuzimit me detyrën dhe pastrimit të parave, i koduar “Shpirti” që u zhvillua në muajin korrik mes autoriteteve shqiptare dhe Antimafias Italiane; Ndërkohë Prokuroria e Posaçme ka dërguar dokumentacionin e nevojshëm për ekstradimin e tyre në Shqipëri.

Ndryshe, Deda dhe Marku kanë qenë pjesë e grupit të shoqërimit të Saimir Tahirit, në kohën kur ky i fundit ishte ministër i Brendshëm, në vitet 2014-2016 ndërsa emrat e tyre dolën pas arrestimit të biznesmenëve, prokurorëve dhe zyrtarëve të lartë të Policisë së Shtetit, të akuzuar si pjesëmarrës në veprimtaritë kriminale të drogës.