Francë, “Jelekët e verdhë” anulojnë takimin me kryeministrin, ai paralajmëron pezullimin e taksës për karburantin
Kryeministri i Francës, Edouard Philipp pritet që të publikoj pezullimin e vendimit për rritjen e taksave të karburantit. Kështu raporton Agjencia franceze e lajmeve, AFP, duke iu referuar burimeve qeveritare.
Protestuesit nga lëvizja “Jelekët e verdhë” janë tërhequr nga një takim me kryeministrin Edouard Philippe i cili ishte parashikuar për sot pasi disa anëtarë të lëvizjes thanë se ishin kërcënuar me vdekje nga protestuesit, duke i paralajmëruar ata të mos hynin në negociata me qeverinë.
“Jelekët e verdhë” që prej mesit të nëntorit kanë protestuar për taksën që ishte vendosur për karburantin.
Por protestat tashmë janë përhapur si në masë ashtu edhe me kërkesat e tyre ndajë qeverisë.
Ndryshe, raportohet se tre persona kanë humbur jetën dhe qindra të tjerë janë plagosur nga trazirat, dhuna dhe vandalizmi, ndërsa shifra e të arrestuarëve kalon mbi 1.000.
