Francë, kapen 700 kg kokainë në kamionin me karkaleca deti

Në veriperëndim të Francës policia ka ndaluar një kamion që po transportonte 20 ton karkaleca deti, në mesin e të cilëve ishte fshehur një sasi prej 700 kilogramë kokainë.

Gjatë operacionit janë arrestuar dy persona afër Le Havres, mësohet nga burime të afërta me hetimin.

Policia ka ndaluar kamionin sapo ka dalur nga porti ku ishin katër persona.

Në mesin e pakove me karkaleca deti nga Ekuadori janë gjetur 11 çanta me gjithsej 687 kilogram kokainë, me vlerë 40 milionë euro, theksojnë burimet.

Njëri prej të dyshuarve është arrestuar ndërsa të tjerët kanë arritur të largohen nga vendi i ngjarjes.