Francë, qeveria i mbijeton mocionit mosbesimit, Macron i drejtohet kombit

Presidenti i Francës, Emmanuel Macron, nesër do ti drejtohet kombit, dy ditë pasi qeveria e tij vetëm për 9 vota i mbijetoi mosbesimit për shkak të reformës jopopullore të pensionit, raportojnë mediat franceze.

Macron të mërkurën pritet ti drejtohet kombit në orën 11:00, gjatë intervistës për televizionet TF1 dhe France 2, raportojnë France Info radio dhe BFM TV.

Dhjetëra persona janë arrestuar në gjithë Francën pas protestave që shpërthyen kur mosbesimi për qeverinë e presidentit Emmanuel Macron dështoi ndërkohë sindikatat paralajmëruan protesta për ditën e enjte kundër ligjit për pensionimin në moshën 64 vjeçare, që tashmë konfirmon dhe faktin pse Macron e anashkaloi votimin në parlament.

Protestat e mbrëmshme, në veçanti ato në Paris që shqetësuan pushtetin për shkak të pjesëmarrjes masive të të rinjëve kur dhe shtuan dhunën policore, bënë që të reagojë dhe raportuesi i posaçëm i OKB për lirin e tubimit, Clément Voule, i cili përmes rrjetit social Twitter tha se policia duhet të shmang përdorimin e tepruar të dhunës.

Për vetëm nëntë vota

Votimi i mosbesimit, i propozuar nga tre partitë parlamentare, ishte shumë më i ngusht se sa ishte parashikuar. 278 deputetë e mbështetën mosbesimin, pra, vetëm nëntë vota më pak nga 287 sa duheshin që të bie qeveria e Emmanuel Macron.

“Po vijmë te fundi i procesit demokratik të miratimit të reformës së domosdoshme për vendin tonë,” tha kryeministrja Elisabeth Borne sërish e vendosur:

“Me përulësi dhe seriozitet kam marrë përgjegjësinë!”